loly angel المدير العام للمنتدى
الجنس : عدد المساهمات : 525 تاريخ التسجيل : 21/09/2010 العمر : 36 الموقع : دمـــــشق العمل : التصوير والمونتاج ((كاتبة المستقبل))
| موضوع: بالتشجيع لا بالتوبيخ 12/1/2011, 3:01 am | |
|
يسعد مسآء الجميع بكل خير وعآفية..
كثير مننا يعرف قدر المعلم سواء في المدرسة أو خآرجهآ ومآ نكن له جل الاحترآم (نحترم المعلم المُحترم طبعاً)..
يمكن بعض منكم يتفاجأ اني حددت ووضعت بين الاقوآس المعلم المحترم..
كثير مآنجد في المدرسة معلم محترم وهنآك معلم آخر ليس بمحترم..!!
موقف حصل لأخوي وهو يدرس الآن بالصف الثالث ابتدآئي..
اخوي الحمد لله شخصيته ثابتة لايبآلي بأي شيء مستوآه الدراسي لا أقول انه ممتاز ولكن جيد مرتفع..
حصل له موقف قبل يومين من أحد المدرسين كانت الحصة الأخيرة والمادة حديث..
قبل اتكلم عن الموقف اللي حصل
كان اخوي راسم سيارة وكان رآسمهآ بالبيت على ورقة..
وانا كنت اتابعه وهو يرسمها واشجعه واضيف من عندي عليهآ بعض اللمسآت..
من بآب التشجيع له وارفع من معنويآته لأن دوري كـ أخ اني اشجعه وهذا من أبسط حقوق اخوي علي انا..
المهم الموقف اللي حصل في المدرسة كانت الحصة الاخيرة عليهم مادة حديث..
المدرس انتهى من الشرح وباقي على الانصراف ربع ساعة..
اخوي كان معه الرسمه وحب انه يستغل الوقت المتبقي من الحصة ويكمل الرسمة..
كملهآ وكتب عليهآ لقب أعز اصدقاءه في الفصل ( لعيون أبو محمد)..!!
كان بيهديهآ لأعز أصدقاءه ماادري..
جاء المدرس شاف الرسمة ونآظر فيه نظرة غضب..
وبدأ يهآوش اخوي ليه ترسم ومنهو ابو محمد ذآ؟؟ أجل اذا وصلت لمرحلة المتوسطة وش بتسوي..؟؟!!
ثواني ويعج الفصل بالضحك من زملاءه..!!!
تأثر اخوي من كلام المدرس له ومن ضحك زملاءه على الموقف..!!
هذا الموقف اللي حصل امس..واليوم الصبآح كان عليهم مادة حديث ونفس المعلم دخل الفصل ونآظر بـ أخوي..
هآهـ شخبآرك يا لعيون ابو محمد؟؟؟!!!!
علماً بأن الوآلد حضر وتنآقش مع مدير المدرسة بهذا الموضوع بعد الموقف اللي حصل وتكرر في صبآح اليوم..!!
ملاحظة (المدرس يدرس القرآن والحديث..!!)
والله مصيبة كبيرة اذا المدرس يدرس مواد دينية ويأتي بهالطريقة ويوبخ طآلب عنده بالفصل امام زملائه..!!
حطيت نفسي مكان اخوي والله العظيم حز في خآطري ولو كنت مكان اخوي (توطيت في بطنه او رديت عليه بكلام لا يسره)..
أبي رآيكم في هذا المدرس وطريقة تعآمله مع أخوي هل هي طريقة صحيحة أو لا..؟؟
أترك لكم حرية الرد والنقآش..
تقديري للجميع..
منقوووووووول
| |
|